Oqý-aǵartý vıtse-mınıstri taǵaıyndaldy
ASTANA. KAZINFORM – Qazaqstan Respýblıkasy Úkimetiniń Qaýlysymen Sergeı Kompanıets oqý-aǵartý vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlady.
1986 jyly Aqmola oblysynda dúnıege kelgen. Astana qalasynyń Memlekettik polıtehnıkalyq kolledjin, Basqarý ınstıtýtyn, Akademııalyq ınnovatsııalyq ýnıversıtetti jáne Djordj Vashıngton ýnıversıtetin bitirgen.
2006–2009 jyldary QR Memlekettik qyzmet isteri agenttiginiń «Aqparat jáne testileý ortalyǵy» MM-de júıe tehnıgi, dırektordyń orynbasary, dırektory bolyp jumys istedi.
2009 jyldan 2011 jylǵa deıin «Memlekettik qyzmet personalyn basqarý ulttyq ortalyǵy» AQ-da departament dırektory jáne QR Premer-mınıstri Keńsesiniń «Almas» RMQK dırektorynyń orynbasary qyzmetterin atqardy.
2015 jyldan 2020 jylǵa deıin kommertsııalyq qurylymdarda, Shymkent qalasy ákiminiń apparatynda basshylyq laýazymdarda jumys istedi, sondaı-aq «Shymkent» ÁKK» AQ basqarma tóraǵasynyń orynbasary qyzmetin atqardy.
2020 jyldan 2024 jylǵa deıin Túrkistan qalasy ákiminiń keńesshisi, «Turkistan» AEA BK» AQ basqarma tóraǵasynyń orynbasary, «AMANAT» partııasy Ortalyq apparatynyń Aqparattyq tehnologııalar ortalyǵynyń basshysy, «Qazaqstan GAJ ortalyǵy» AQ basqarma tóraǵasynyń orynbasary qyzmetterin atqardy.
2024 jylǵy aqpannan bastap qazirgi ýaqytqa deıin Qazaqstan Respýblıkasy Prezıdenti Іs Basqarmasynyń «Materıaldyq-tehnıkalyq qamtamasyz etý basqarmasy» MM basshysynyń orynbasary qyzmetin atqarady.
Aıta ketelik Baqytjan Jaılaýbaev Ulytaý oblysy ákiminiń orynbasary bolyp taǵaıyndalǵan edi.
