Oqý-aǵartý mınıstrligine balalardy zorlyq-zombylyqtan qorǵaýdyń josparyn ázirleý júkteldi
«Mektepterde balalardyń qaýipsizdigi máselesi erekshe mańyzdy. Bıylǵy 30 qyrkúıekke deıingi merzimde balalardy zorlyq-zombylyqtan qorǵaý boıynsha keshendi jospardy ázirleý kerek. Onda naqty ındıkatorlar men nátıjeler eskerilýi tıis. Ákimdikter Adam jáne bala quqyqtary jónindegi ulttyq ortalyqtyń aýmaqtyq bólimshelerin qurýdy jedeldetýi kerek», - dedi E.Toǵjanov Pedagogterdiń respýblıkalyq tamyz konferentsııasynda.
Osy oraıda ol Іshki ister mınıstrliginiń málimeti boıynsha bilim berý nysandarynyń birazy qaýipsizdik talaptaryna saı kelmeıtinin atap ótti.
«Qysqa merzim ishinde balalardyń qaýipsizdigin qamatamasyz etý úshin tıisti sharalardy qabyldaý qajet. Óńir ákimdikteri mektepterdi kúzetý isine lıtsenzııalanǵan uıymdardy tartý boıynsha talaptardy oryndaýy tıis», - dedi Úkimet basshysynyń orynbasary.