Oqý-aǵartý mınıstrligi mektep demalysynyń qysqarýy týraly qaýesetke pikir bildirdi
Qazaqstandyqtar áleýmettik jeliler men messendjerlerde qazirgi kezde qaralyp jatqan jańa normatıvtik-quqyqtyq aktige sáıkes, Qazaqstanda oqý jyly resmı túrde 20 tamyzda bastalady dep jazýda.
«Memlekettik mektepterde demalys, sondaı-aq oqý jylynyń bastalý jáne aıaqtalý merzimderi ózgermeıdi. Kanıkýl kezeńi ózgerissiz qalady, ıaǵnı oqý kúnderiniń sany kóbeımeıdi, al kanıkýl kezeńi azaımaıdy. Qazaqstandyq oqýshylar 175 kún oqıdy. Kanıkýldar men demalys kúnderiniń jalpy uzaqtyǵy 190 kúndi quraıdy (kibise jyldy qospaǵanda). Talqylanyp jatqan qujattyń jobasy qamqorshylyq keńesterdiń kelisimimen halyqaralyq jáne pılottyq mektepterge oqý jylynyń jalpy merzimderin retteýge quqyq beredi», - dep jazdy vedomstvodan.
Mınıstrliktiń málimetine qaraǵanda, buǵan deıin atalǵan mektepterdiń ókilderi oqý merzimi men kanıkýl kezeńin óz betinshe anyqtaýǵa múmkindik berýdi qoldaǵan bolatyn. Bul rette halyqaralyq jáne pılottyq mektepter (olardyń sany óte az) belgilengen oqý jáne kanıkýl kúnderimen (175 oqý jáne 190 demalys kúnderi) shekteledi.
«ıAǵnı, kanıkýldy qysqartý týraly másele qaralyp jatqan joq. Memlekettik mektepter úshin oqý jáne kanıkýl merzimderi bekitilgen normalar sheńberinde áreket etetinin atap ótken jón. Bıylǵy oqý jyly 1 qyrkúıekte bastalyp, 31 mamyrda aıaqtalady, sodan keıin kanıkýl bastalady», – delingen Oqý-aǵartý mınıstrliginiń habarlamasynda.
