Oqý-aǵartý mınıstrliginiń ókilettigi keńeıtiledi

- Mınıstrlikke Qazaqstan Respýblıkasy Oqý-aǵartý mınıstrliginiń ókilettikteri bolyp tabylatyn mindetterdi oryndaý turǵysynan kásipkerlik sýbektilerimen sharttyq qatynastarǵa túsýge tyıym salynady. Eger Mınıstrlikke zańdarmen kiris ákeletin qyzmetti júzege asyrý quqyǵy berilse, onda alynǵan kiris, eger Qazaqstan Respýblıkasynyń zańnamasynda ózgeshe belgilenbese, memlekettik bıýdjetke jiberiledi, - delingen qujatta.

Sonymen qujatqa sáıkes, Oqý-aǵartý mınıstrligi týraly erejege mynadaı ózgertýler engiziledi:

- Qazaqstan Respýblıkasynyń zańdarynda belgilengen tártippen, sondaı-aq memlekettik organdarmen kelisý boıynsha olarmen birlesken aktiler negizinde basqa memlekettik organdarmen, halyqaralyq uıymdarmen, syrtqy ekonomıkalyq jáne ózge de qyzmetke qatysýshylarmen ózara is-qımyl jasaý;

- Qazaqstan Respýblıkasynyń zańnamasyna sáıkes balalardyń quqyqtaryn qorǵaý salasyndaǵy memlekettik saıasatty qalyptastyrý;

- lıtsenzıarlardy, lıtsenzııa berýdi kelisýdi júzege asyratyn memlekettik organdardy aıqyndaý týraly normatıvtik quqyqtyq aktiler jobalaryn ázirleý jáne olardy ruqsattar jáne habarlamalar salasyndaǵy ýákiletti organmen jáne tsıfrlandyrý salasyndaǵy ýákiletti organmen kelisý;

- memlekettik orta, tehnıkalyq jáne kásiptik, orta bilimnen keıingi bilim berý uıymdaryna bekitip berilgen dene shynyqtyrý-saýyqtyrý jáne sport qurylysjaılaryn múliktik jaldaýǵa (jalǵa alýǵa) berý qaǵıdalaryn ázirleý jáne bekitý;

- astananyń, oblystardyń, respýblıkalyq mańyzy bar qalalardyń bilim berýdi basqarý organdary birinshi basshylarynyń memlekettik ákimshilik laýazymdaryna qoıylatyn biliktilik talaptaryn kelisý;

- ákimshilik-aýmaqtyq birlikti basqarý shemalaryn qalyptastyrý kezinde qoldanylatyn bilim berýdi basqarý organdary (astananyń, oblystardyń, respýblıkalyq mańyzy bar qalalardyń bilim basqarmalary, sondaı-aq olarǵa esep beretin jáne olardyń baqylaýyndaǵy aýdandarda, qalalarda ornalasatyn bilim bólimderi) arasynda fýnktsııalardy bólýdi ázirleý jáne bekitý;

- mektepke deıingi tárbıe men oqytý;

- bastaýysh bilim berý;

- negizgi orta bilim berý;

- jalpy orta bilim berý;

- bilim berý baǵdarlamalarynyń tizilimine engizilgen mamandyqtar boıynsha áskerıler, arnaýly oqý oryndary úshin mamandyqtar toptary boıynsha tehnıkalyq jáne kásiptik bilim berý;

- bilim berý baǵdarlamalarynyń tizilimine engizilgen mamandyqtar boıynsha áskerıler, arnaýly oqý oryndary úshin mamandyqtar toptary boıynsha orta bilimnen keıingi bilim berý;

- rýhanı bilim berý;

- kámeletke tolmaǵandarǵa bilim berý-saýyqtyrý;

- múmkindigi shekteýli balalardy arnaýly psıhologııalyq-pedagogıkalyq qoldaý úshin bilim berý qyzmetimen aınalysýǵa lıtsenzııa jáne (nemese) lıtsenzııaǵa qosymsha berý;

- menshik túrine, nysanyna jáne vedomstvolyq baǵynystylyǵyna qaramastan, astananyń, oblystardyń, respýblıkalyq mańyzy bar qalalardyń, aýdandardyń (oblystyq mańyzy bar qalalardyń) bilim berýdi basqarý organdarynyń, bilim berý uıymdarynyń jáne bala quqyqtaryn qorǵaý jónindegi fýnktsııalardy júzege asyratyn uıymdar qyzmetiniń Qazaqstan Respýblıkasynyń bala quqyqtaryn qorǵaý salasyndaǵy zańnamasynyń talaptaryna sáıkestigin qamtamasyz etýdi memlekettik baqylaýdy júzege asyrý;

- shetel azamattaryna asyrap alýǵa berilgen balalardy baqylaýdy júzege asyrý.

Ereje jekelegen abzatstardy qospaǵanda osy jyldyń 25 qyrkúıeginen, ıaǵnı qol qoıylǵan kúninen bastap qoldanysqa engizildi.

Buǵan deıin orta, tehnıkalyq jáne kásiptik, orta bilimnen keıingi bilim berý uıymdary úshin bilim alýshylardyń úlgerimine aǵymdaǵy baqylaýdy, olardy aralyq jáne qorytyndy attestattaýdy ótkizýdiń úlgilik qaǵıdalary ózgergen edi.