Oqý-aǵartý mınıstrligine mektepterde smartfondardy paıdalanýǵa tolyq tyıym salý quzyreti berilmek

ASTANA. KAZINFORM – Oqý-aǵartý mınıstrligine mektepterde smartfondardy paıdalanýǵa tolyq tyıym salý quzyreti berilmek. Bul týraly Májilis depýtaty Ashat Aımaǵambetov aıtty.

Onyń aıtýynsha, Bilim, Nazarbaev Zııatkerlik mektepteri syndy jetekshi bilim oshaqtarynda sabaq ýaqytynda uıaly telefondy qoldanýǵa tyıym salynǵan.

- Men muny durys dep sanaımyn. Oqý protsesi – bul oqý protsesi. Oqýshy mektepke kelgende telefonyn qaldyryp, sabaqtan soń ala alady nemese knopkaly telefondy qoldanýǵa bolady. Sol sebepti uıaly telefondardy paıdalanýǵa tyıym salý fýnktsııasyn ár mektep deńgeıinen mınıstrlikke berý usynysy bar. Sol kezde bul sheshimdi ortalyqtandyryp qabyldaýǵa bolady, - dedi depýtat palatanyń jalpy otyrysynan keıin.

Ashat Aımaǵambetov mundaı shekteý engizýge ata-analarǵa jáne ózge de faktorlarǵa baılanysty mektep basshylarynyń barlyǵy birdeı batyly barmaıtynyn aıtady.

Buǵan deıin Balalardyń uıaly telefondarynyń SIM-kartalaryn tirkeý tetigi engiziletinin jazǵan edik.