Astanada lıtsenzııasyz jumys istegen jeke mektepke aıyppul salyndy
ASTANA. KAZINFORM — Astanada «Jeke mekeme «Matematıka til mektebi» negizgi orta bilim berý boıynsha lıtsenzııasyz qyzmet kórsetkeni anyqtaldy. Bul týraly Oqý-aǵartý mınıstrligi habarlady.
Vedomstvo málimetinshe, bilim berý qyzmetin júzege asyrýǵa arnalǵan lıtsenzııalardy mınıstrliktiń Bilim salasynda sapany qamtamasyz etý komıtetiniń aýmaqtyq departamentteri beredi.
Astana qalasynyń Bilim salasynda sapany qamtamasyz etý departamentiniń aqparaty boıynsha, atalǵan mekemede «Bastaýysh bilim» (1–4 synyptar) boıynsha 2020 jylǵy 27 qarashada berilgen № KZ36LAA00019341 lıtsenzııa bar.
Alaıda 2025 jylǵy 24 qyrkúıekte tekserý barysynda uıymnyń «Negizgi orta bilim» qyzmet túrine qajetti lıtsenzııaǵa qosymshasy joq ekeni anyqtalǵan.
Mınıstrlik habarlaýynsha, 2025 jylǵy 22 qazanda Astana qalalyq mamandandyrylǵan aýdanaralyq ákimshilik sotynyń sheshimimen «Jeke mekeme «Matematıka til mektebi» «Ruqsattar jáne habarlamalar týraly» zańǵa sáıkes, ruqsat berý qujattarynsyz negizgi orta bilim boıynsha qyzmet kórsetkeni úshin 25 AEK mólsherinde ákimshilik aıyppul salyndy.
Buǵan deıin Pavlodarda bilim berý uıymdaryndaǵy tekseristen soń 10 mln teńge únemdelgenin jazǵanbyz.