Oqý-aǵartý mınıstri: «Altyn belgi» jemqorlyqtyń kózi bolyp tur

TALDYQORǴAN. QazAqparat - Oqý-aǵartý mınıstri Ǵanı Beısembaev «Altyn belgi» alý úshin ata-analar túrli zańsyz áreketke baratynyn jetkizdi, dep habarlaıdy QazAqparat tilshisi.

«Altyn belgi» baladan góri, ata-anaǵa qajet syndy. Sebebi, ata-ana maqtaný úshin, «Altyn belgini«balasy alý úshin barlyq jaıtqa barady. Eger jemqorlyq faktileri osy ataqty alý úshin jıi tirkeletin bolsa, onda bul belgini berý qanshalyqty qajet degen suraq túrinde jumys isteıtin bolamyz. Sebebi, bilim satylmaý kerek, sapa bolýy kerek», - dedi Oqý-aǵartý mınıstri Ǵanı Beısembaev.

Dál qazir Taldyqorǵanda Sybaılas jemqorlyqqa qarsy is-qımyl agenttigi tóraǵasynyń birinshi orynbasary D. Malahov jáne oqý-aǵartý mınıstriniń qatysýmen jıyn ótýde. Sharaǵa aǵartý salasynyń barlyq mamandary qatysýda.

Buǵan deıin mınıstrliktiń eń kóp zań buzýshylyqpen muǵalimderdi qabyldaý faktileri tirkelgen aımaqtardy ataǵanyn jazǵan bolatynbyz. Mundaı jaǵdaı boıynsha Almaty oblysynyń Qarasaı aýdany kósh bastap tur.