Oqý-aǵartý mınıstri jas túlekterge úsh keńes aıtty
ASTANA. KAZINFORM – Oqý-aǵartý mınıstri Ǵanı Beısembaev mektep bitirip, úlken ómirge qadam basyp jatqan jetkinshekterge keńes berdi.
- Alǵash keńesim senimdilik, eshqashanda senimdi joǵaltpańyzdar. Ekinshi tabandylyq, barlyq arman, maqsat-muratqa jetý úshin tabandylyq kerek. Taǵy bir keńesim eńbekqorlyq pen adaldyq, sebebi eńbektiń nany tátti, al nandy adal eńbekpen taýyp jeý kerek. Osy jaǵdaıda bizdiń jastar óz arman, maqsatyna senimmen jetedi, - degen keńes berdi mınıstr.
Búgin Oqý-aǵartý mınıstri Ǵanı Beısembaev elordadaǵy №104 orta mektep oqýshylarǵa synyp saǵatyn ótkizdi.
Sonymen qatar vedomstvo basshysy ár synyp oqýshysymen jeke tanysyp, olardyń aldaǵy arman, maqsatyn surady.
Bıyl oqý jylyn 3,9 mln oqýshy aıaqtap jatyr, onyń ishinde bastaýysh synypty 391 myń, negizgi mektepti 364 myń shákirt támamdady. Elimiz boıynsha 217 myń oqýshy mektep bitirip jatyr, onyń 5 paıyzy «Altyn belgige» úmitti.
Eske salaıyq, Oqý-aǵartý mınıstri Ǵanı Beısembaev sońǵy qońyraý kezinde ata-analar mekteptegi merekelik is-sharalarǵa shyǵyndalyp, balalardy ysyrapqa úıretpeýi kerektigin aıtyp, úndeý jasady.
Aıta keteıik, sońǵy qońyraý men mektep bitirý is-sharalaryn ótkizýde belgili shekteýler qarastyrylǵan.