Oqý-aǵartý mınıstri: Taıaýda bilim salasyna qatysty jańalyqty jarııalaımyz

ASTANA. KAZINFORM – Aldaǵy jańa oqý jylynda eshqandaı pán joıylmaıdy. Bul týraly Oqý-aǵartý mınıstri Ǵanı Beısembaev málim etti.

- Jańa oqý jylynda eshqandaı pán joıylmaıdy. Degenmen, qazir sarapshylar qaýymymen keńesip jatyrmyz. Bul rette, barlyq jańalyqty tamyz aıynda jarııalaımyz. Bıyl 17 tamyzda dástúrli respýblıkalyq Tamyz konferentsııasyn ótkizýdi josparlyp otyrmyz. Sol kezde barlyq jańa ózgeristerdi aıtamyz, - dedi Ǵ. Beısembaev Parlament palatalarynyń birlesken otyrysynan keıin tilshiler suraǵyna jaýap bere otyryp.

Osy oraıda ol jańa qadamdar áli talqylanyp jatqanyn jáne olar boıynsha túbegeıli sheshim qabyldanbaǵanyn aıtty.

Jaqynda Ǵanı Beısembaev muǵalimderdi artyq jumysqa tartý kúrt tómendegenin aıtqan edi.