Oqý-aǵartý mınıstri taǵaıyndaldy

ASTANA. KAZINFORM — Juldyz Súleımenova Qazaqstan Respýblıkasynyń Oqý-aǵartý mınıstri bolyp taǵaıyndaldy. Bul týraly Aqordanyń baspasóz qyzmeti habarlady. 

— Memleket basshysynyń Jarlyǵymen Juldyz Dosbergenqyzy Súleımenova Qazaqstan Respýblıkasynyń Oqý-aǵartý mınıstri bolyp taǵaıyndaldy, — delingen habarlamada. 

Juldyz Súleımenovanyń eńbek joly

Almaty Ekonomıka jáne statıstıka akademııasynyń Aqtóbe ınstıtýty oqytýshysy, Jastarmen is jónindegi komıtetiniń tóraıymy, Aqtóbe q. (2004 — 2006)
«Nur Otan» HDP Aqtóbe oblystyq fılıalynyń konsýltanty, «Jas Otan» Jastar qanaty respýblıkalyq keńesi tóraǵasynyń orynbasary (2006)
Y. Altynsarın atyndaǵy № 159 kópsalaly gımnazııanyń tarıh jáne quqyq páni muǵalimi, Almaty q. (2007 — 2008)
ál-Farabı atyndaǵy Qazaq ulttyq ýnıversıtetiniń Tárbıe jumysy jáne tilderdi damytý departamentiniń jetekshi mamany, prorektordyń orynbasary, Jastar ákimshiliginiń tóraǵasy, Almaty q. (2008 — 2011)
Halyqaralyq Bıznes Akademııasynyń stýdenttermen jumys jónindegi dekany, Almaty q. (2011)
Qazaq memlekettik qyzdar pedagogıkalyq ýnıversıtetiniń ǵylymı hatshysy, Almaty q. (2011 — 2012)
Nur-Sultan qalasy Nazarbaev Zııatkerlik mektepterin damytý departamentiniń aǵa menedjeri, dırektordyń orynbasary, dırektory (2012 — 2019)
Almaty q. fızıka-matematıka baǵytyndaǵy Nazarbaev Zııatkerlik mektebiniń dırektory (2019 — 2021)
VII saılanǵan Qazaqstan Respýblıkasy Parlamenti Májilisiniń depýtaty, Áleýmettik — mádenı damý komıtetiniń múshesi, Astana q. (2021 — 2023)

VIII saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi (2023 bastap)

Aıta ketelik Ǵanı Beısembaev Qazaqstan Respýblıkasynyń Oqý-aǵartý mınıstri laýazymynan bosatylǵan edi.