Oqý-aǵartý mınıstri Ǵanı Beısembaev elordalyq oqýshylarǵa synyp saǵatyn ótkizdi
ASTANA. KAZINFORM – Búgin elimizdiń barlyq mektebinde oqý jylynyń aıaqtalýyna oraı biryńǵaı synyp saǵaty ótti.
Bıyl oqý jylyn 3,9 mln oqýshy aıaqtap jatyr, onyń ishinde bastaýysh synypty 391 myń, negizgi mektepti 364 myń oqýshy támamdady. Elimiz boıynsha 217 myń oqýshy mektep bitirip jatyr, onyń 5 paıyzy «Altyn belgige» úmitti.
Aıta keteıik, oqýshylar oqý jylyn «Bilimim – Otanyma» atty biryńǵaı synyp saǵatyn ótkizip qorytyndylap jatyr. Al erteń pedagogıkalyq keńestiń sheshimine sáıkes, mektep túlekterine arnalǵan «Mektebim, saǵan myń alǵys!» atty saltanatty is-sharasy ótedi.
Búgin Oqý-aǵartý mınıstri Ǵanı Beısembaev Astana qalasyndaǵy №104 orta mektepke baryp, túlekterdi oqý jylynyń aıaqtalýymen quttyqtady.
- Sizderge arnaıy kelgen sebebim, birge pikir almasyp, 11 jyldy qalaı ótkizdińder, qandaı sezimdesińder, kóńil kúılerińdi bilgim keldi. Bıyl synyp saǵaty «Bilimim – Otanyma» degen taqyrybyn ótip jatyr, maqsat – mektepten alǵan bilimdi, erteń eldiń órkendeýine baǵyttalýyn dáripteý, - dedi Ǵanı Beısembaev oqýshylarmen kezdesýde.
Odan ári mınıstr ár synyp oqýshysymen jeke tanysyp, olardyń aldaǵy arman, maqsatyn surady.
Eske salaıyq, Oqý-aǵartý mınıstri Ǵanı Beısembaev sońǵy qońyraý kezinde ata-analar mekteptegi merekelik is-sharalarǵa shyǵyndalyp, balalardy ysyrapqa úıretpeýi kerektigin aıtyp, úndeý jasady.
Aıta keteıik, sońǵy qońyraý men mektep bitirý is-sharalaryn ótkizýde belgili shekteýler qarastyrylǵan.