Oqý-aǵartý mınıstri Almatyda zorlyq-zombylyq kórgen balany qorǵaýǵa qatysty pikir aıtty

Almatyda jekemenshik mekteptiń oqýshysy zorlanǵany týraly balanyń anasy málim etken bolatyn. Osy máselege qatysty Oqý-aǵartý mınıstri Ǵanı Beısembaev pikir bildirdi, dep habarlaıdy QazAqparat tilshisi.

«Bul másele Oqý-aǵartý mınıstrligi Balalardyń quqyqtaryn qorǵaý komıtetiniń tolyqqandy baqylaýynda tur. Qazir qylmystyq is júrip jatyr. Sonyń nátıjesine baılanysty naqty jaýap bolady dep sanaımyz. Atap aıtqanda, balaǵa, ata-anaǵa tıisti qoldaý kórsetý jaǵynan atalǵan komıtet jergilikti basqarmamen birge jumystardy úılestirip jatyr», - dedi Ǵ. Beısembaev Senatta tilshiler suraǵyna jaýap bere otyryp.

Onyń aıtýynsha, osy máselege qatysty jergilikti balalardyń quqyǵyn qorǵaý ókildigi jáne basqa da tıisti qoǵamdyq uıymdar tartylǵan.

Sonymen qatar tilshiler «balaǵa qatysty bul oqıǵa mektep dárethanasynda bolǵan ba?» dep surady.

Óz kezeginde mınıstr bul aqparatty naqtylaý kerek ekenin aıtty.

«Tergeý jumystary aıaqtalǵannan keıin naqty mán-jaıdy biletin bolamyz», - dedi Ǵ. Beısembaev.

Buǵan deıin Almaty turǵynynyń 1-synyptaǵy balasynyń zorlanǵanyn málimdegeni týraly habarlaǵan edik. 

Keıin osy oqıǵaǵa boıynsha qylmystyq is qozǵaldy.