Oqý-aǵartý birinshi vıtse-mınıstri dúnıeden ótti

ASTANA. KAZINFORM — QR Oqý-aǵartý birinshi vıtse-mınıstri Natalıa Jumadildaeva ómirden ozdy.

Оқу-ағарту бірінші вице-министрі Наталья Жұмаділдаева
Фото: instagram.com/gani.beisembayev

Bul týraly QR Oqý-aǵartý mınıstri Ǵanı Beısembaev áleýmettik jelidegi paraqshasynda habarlady.

— Búgin áriptesimiz, QR Oqý-aǵartý birinshi vıtse-mınıstri Natalıa Jumadildaevanyń ómirden ozǵany týraly qaraly habardy estip, qabyrǵamyz qaıysyp otyr. Ol óziniń eńbek jolyn bastaýysh synyp muǵalimi bolyp bastady. Ár jyldary mektep dırektory, Qyzylorda qalalyq bilim bóliminiń basshysynyń orynbasary, QR Parlamenti Májilisiniń VI shaqyrylymynyń depýtaty, QR Oqý-aǵartý mınıstrliginiń Mektepke deıingi bilim departamentin basqara otyryp, mektepke deıingi jáne orta bilim berýdi damytýǵa eleýli úles qosty. Ol bilim júıesin jetildirýge jáne balalardyń sapaly bilim alýyna qolaıly jaǵdaı jasaýǵa erekshe nazar aýdardy. Bilim berý salasynyń osyndaı bilikti mamandarynyń ortamyzdan ketýi — orny tolmas ókinish. Natalıa Vasılevnanyń týystary men jaqyndaryna qaıǵyryp kóńil aıtamyn! — dep jazdy ol.

Buǵan deıin Respýblıkaǵa tanymal aıtys aqyny Sholpan Qydyrnııazova ómirden ozǵanyn jazǵan edik.

Сейчас читают