Oqý-aǵartý birinshi vıtse-mınıstri aýysty

ASTANA. KAZINFORM — QR Úkimetiniń qaýlysymen Maıra Meldebekova oqý-aǵartý birinshi vıtse-mınıstri qyzmetine taǵaıyndaldy, dep habarlaıdy Úkimettiń baspasóz qyzmeti.

Maıra Turǵanbaıqyzy Meldebekova 1971 jyly dúnıege kelgen. Abaı atyndaǵy Almaty Eńbek Qyzyl Tý ordeni ýnıversıtetin, Qorqyt Ata atyndaǵy Qyzylorda memlekettik ýnıversıtetin bitirgen.

Eńbek jolyn 1988 jyly pıoner lageriniń tárbıeshisi bolyp bastaǵan.

1993-2005 jyldary aralyǵynda Shymkent qalasynyń, Shyǵys Qazaqstan jáne Almaty oblystarynyń birqatar mektepterinde muǵalim, dırektordyń orynbasary, dırektor qyzmetterin atqardy.

2005-2018 jyldary – Qazaqstan Respýblıkasy Bilim jáne ǵylym mınıstrliginiń bas mamany, basqarma bastyǵy, departament dırektorynyń orynbasary, dırektory.

2018-2020 jyldary – Qyzylorda oblysy bilim basqarmasynyń basshysy;

2020-2021 jyldary – Qazaqstan Respýblıkasy Bilim jáne ǵylym mınıstrligi Mektepke deıingi jáne orta bilim berý komıtetiniń tóraǵasy;

2021-2022 jyldary – Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy sapany qamtamasyz etý komıteti tóraǵasynyń orynbasary;

2022 jyldan bastap qazirgi ýaqytqa deıin Qazaqstan Respýblıkasy Oqý-aǵartý mınıstrligi Bilim salasyndaǵy sapany qamtamasyz etý komıteti tóraǵasynyń orynbasary qyzmetin atqarǵan.

Buǵan deıin Jambyl oblysy densaýlyq saqtaý basqarmasynyń basshysy taǵaıyndalǵanyn jazdyq.

Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.