«Oktıabrskoe pole» metrosynyń qasynda qolyna balanyń basyn ustaǵan áıel ustaldy
ASTANA. QazAqparat - Máskeýdegi «Oktıabrskoe pole» metrosynyń qasynda buǵan deıin órtengen páterde bassyz denesi tabylǵan balany óltirdi degen kúdikpen kútýshi áıel ustaldy. Ustalǵan áıeldiń qolynda balanyń qanǵa boıalǵan basy bolǵan, dep habarlaıdy RBK.
Máskeý qalasynyń soltústik-batysynda ornalasqan páterdegi órtti sóndirip bolǵannan keıin ishinen kishkentaı balanyń múrdesi tabylǵan, dep baıandady RBK-ǵa TK MTB-nyń Máskeý qalasy boıynsha resmı ókili ıÝlııa Ivanova.
Tergeý nusqasy boıynsha, 29 aqpan kúni tańda Halyq jasaǵy kóshesindegi turǵyn úılerdiń birindegi páterde órtten keıin shamamen 3-4 jasar balanyń zorlyq belgileri bar múrdesi tabyldy.
