Oksford ýnıversıtetinde qazaq tilin oqytý josparlanýda

ASTANA. KAZINFORM - Búgin Qazaqstan Respýblıkasy Ǵylym jáne joǵary bilim mınıstrligi men Oksford ýnıversıteti arasynda ózara yntymaqtastyq kelisimge qol qoıylyp, soǵan sáıkes Oksford ýnıversıtetinde qazaq tilin oqytý qolǵa alynbaq.

Ǵylym jáne joǵary bilim mınıstri men Qazaqstannyń jetekshi joǵary oqý oryndarynyń basshylarynan quralǵan qazaqstandyq delegatsııa álemdegi eń bedeldi ýnıversıtke at basyn tiredi.

Ulybrıtanııanyń oqý ornyna arnaıy barǵan delegatsııa ókilderine Oksford Bodlıan kitaphanasynyń Qazaqstanǵa qatysty eksklıýzıvti kóne qoljazbalary kórsetildi. Sonymen qatar ýnıversıtette ekskýrsııa ótip, tarıhy tanystyryldy.

Budan ári mınıstr Saıasat Nurbek brıtandyqtarǵa Qazaqstan Respýblıkasynyń Prezıdenti Qasym-Jomart Toqaevtyń tapsyrmasymen daıarlanǵan Oxford Qazaq sózdiginiń alǵashqy basylymyn tanystyrdy.