Oksford ýnıversıtetiniń rektory alǵash ret áıel bolmaq
ASTANA. QazAqparat - Oksford ýnıversıtetiniń rektory alǵash ret áıel bolmaq - beısenbi kúni baıyrǵy Sent-Endrıýs shotland ýnıversıtetiniń basshysy Lýıza Rıchardsonnyń kandıdatýrasy osy mártebeli laýazymǵa maquldandy, dep habarlady RIA Novostı.
1230 jylǵy rektordy alǵashqy saılaý sátinen beri ýnıversıtetti kileń erler basqardy. Rıchardson endi Nıý-Iork ýnıversıtetin basqaratyn Endrıý Hamıltonnyń ornyn basady. Oksfordtyń jańa rektory mindetterin oryndaýǵa 2016 jylǵy qańtardan bastap kirisedi.
«Oksford - uly álemdik ýnıversıtetterdiń biri. Maǵan osy kórnekti oqý ornyn basqarý qurmeti kórsetildi. Men talantty, tájirıbeli jáne kórnekti áriptesterimmen jumys jasaýdy asyǵa kútýdemin», - dep málimdedi Rıchardson rektor saılaýynyń qorytyndylary jarııalanǵannan keıin.
Professor Rıchardson - saıasattanýshy, saıası zertteýler, qaýipsizdik jáne terrorızm problemlaryn zertteý salasyndaǵy maman, terrorızm problemalary jónindegi kitaptardyń avtory. Jańa rektor Irlandııada týyp-ósti, Dýblın kolledjin bitirdi, keıinnen AQSh-taǵy Kalıfornııa shtaty ýnıversıtetinde jáne Garvard ýnıversıtetinde oqydy. 2009 jyldan Sent-Endrıýs ýnıverstıtetin basqardy.
