Oksford ýnıversıteti tuńǵysh ret álemdegi úzdik JOO-lar reıtınginde kósh bastady
ASTANA. QazAqparat - Brıtandyq Oksford ýnıversıteti tuńǵysh ret álemdegi úzdik JOO-lar reıtınginde kósh bastady. Anglııada jaryq kóretin Times Higher Education (THE, "Taıms haıer edıýkeıshn") jýrnalynda basylǵan tizimde osy jahandyq zertteý qorytyndysy jarııalanyp kele jatqan sońǵy 12 jyl ishinde AQSh birinshi ret THE World University Rankings 2016-17 nátıjesi boıynsha úzdik JOO-lar reıtınginiń basynan syrǵydy, dep jazady TASS.
Sońǵy 5 jyl boıy reıtıng basynan túspegen Kalıfornııa tehnologııa ınstıtýty tizimniń 2 qatarynan oryn aldy. Al 3-ten 9-shy qatarǵa deıingiler byltyrǵy ornynda qaldy.
Úshinshi orynda - Stenford ýnıversıteti (AQSh). Odan keıingi oryndarda Kembrıdj ýnıversıteti (Ulybrıtanııa, 4), Massachýsets tehnologııa ınstıtýty (AQSh, 5), Garvard ýnıversıteti (AQSh, 6), Prınston ýnıversıteti (AQSh, 7), Londonnyń ımperlik kolledji (Ulybrıtanııa, 8), Tsıýrıhtegi Shveıtsar federaldyq tehnologııalyq ınstıtýty (9), Berklıdegi Kalıfornııa ýnıversıteti (AQSh) tur.
Zertteýge barlyǵy 980 JOO qatysty.
