Oksford ýnıversıteti qol shapalaqtaýǵa tyıym saldy – New York Post
NUR-SULTAN. QazAqparat - Oksford ýnıversıtetiniń stýdentteri óz is-sharalarynda qol shapalaqtaýǵa tyıym saldy. Endi stýdenttik jıyndarda qoldaý bildirý úshin qol shapalaqtaýdyń ornyna adamdar qol bulǵaıtyn bolady, dep jazady New York Post.
Basylymnyń habarlaýynsha, bul aýtızmi bar nemese basqa da psıhıkalyq problemasy bar stýdentterge buqaralyq jıyndarǵa qatysýǵa múmkindik berý úshin jasalǵan.
«Qol shapalaqtaýdan bas tartýǵa daýys berý qazan aıynda Oksford stýdentteri keńesiniń jıynynda boldy. Degenmen, bul sheshim konvervant BAQ pen tabloıdtar synyn ulǵaıtty. Olar Oksford ýnıversıtetin óz pikirin tynyshtyqta erkin bildirý múmkindigimen quttyqtady» dep jazady basylym.
Aıta ketý kerek, Ulybrıtanııanyń Ulttyq stýdentter keńesi 2015 jyldan bastap is sharalarda qol shapalaqtamaýǵa shaqyryp keledi. Al 2018 jyly qyrkúıek aıynda Manchester ýnıversıteti de qol shapalaqtaýǵa tyıym salyp, ınternette úlken pikirtalas týǵyzǵan edi.
