Oksford túlekteriniń 10 paıyzy jumysqa ornalasa almaı júr
ASTANA. 22 aqpan. QazAqparat - Oksford túlekteriniń 10 paıyzǵa jýyǵy jumys taba almaı júr. Bul týraly «Telegraf» gazeti jaqynda Ulybrıtanııanyń ataqty joǵary oqý orny ótkizgen zertteýlerdiń nátıjesine súıenip jarııalady.
Bul Oksford ýnıversıteti túlekteriniń jumysqa ornalasýy týraly jurtshylyqqa málim bolǵan alǵashqy jaǵdaı. Ózderi týraly aqparat bergen 3,5 myń adamnyń 200-den astamy joǵary oqý ornyn bitirgennen keıin jarty jyl boıy mamandyǵy boıynsha jumys taba almaı júrgenin málim etken.
Ásirese tilderdi, ejelgi tarıhty jáne klassıkalyq arheologııany oqyp-úırengen túlekter qıynshylyqtarǵa dýshar bolýda, al Oksford dıplomy bar dárigerler, taldamashylar, konsýltanttar joǵary suranysqa ıe.
Birikken Koroldikte qazir jumyssyzdyq eldiń eńbekke jaramdy halqynyń 8 paıyzyn qurap otyr, al eldiń baıyrǵy ýnıversıtetinde eńbekkke ornalasa almaǵandar 6 paıyz kóleminde bolyp otyr. Sondyqtan da dıplomdy mamandardyń lajsyzdan daıashy nemese jarnama ornalastyrýshy bolǵan jaǵdaılary kezdesedi.
Degenmen rektorat bul ýaqytsha qıyndyq, Oksfordta bilim alǵan adamdar báribir jumys tabady dep sanaıdy.
