Oksford stýdentteri qazaq tilin úırený úshin Túrkistanǵa bardy
ASTANA. KAZINFORM - Ulybrıtanııadaǵy Oksford ýnıversıtetiniń stýdentteri Túrkistan qalasyna qazaq tilin úırený úshin keldi. Qoja Ahmet ıAsaýı atyndaǵy Halyqaralyq qazaq-túrik ýnıversıtetinde Oksford stýdentterine arnalǵan eki aptalyq «Qazaq tilin úırený baǵdarlamasy» bastaldy, dep habarlaıdy QR Ǵylym jáne joǵary bilim mınıstrliginiń baspasóz qyzmeti.
Joba Qazaqstan Respýblıkasy Ǵylym jáne joǵary bilim mınıstrligi, Oksford ýnıversıtetiniń Volfson kolledji, Qoja Ahmet ıAsaýı atyndaǵy Halyqaralyq qazaq-túrik ýnıversıteti jáne Ahmet Baıtursynuly atyndaǵy Til bilimi ınstıtýty arasyndaǵy yntymaqtastyq aıasynda júzege asyrylyp jatyr.
Baǵdarlamanyń negizgi maqsaty – sheteldik stýdentterge qazaq tiliniń negizin meńgertý, aýyzsha sóıleý daǵdylaryn qalyptastyrý jáne Qazaqstannyń tarıhy, mádenıeti, ádebıeti, óneri men ulttyq qundylyqtaryn tanystyrý.
Bastama Ulybrıtanııanyń bilim berý baǵdarlamalaryna qazaq tilin engizýge baǵyttalǵan Oxford Birsöz jobasynyń praktıkalyq jalǵasy sanalady. Joba týraly alǵash ret Qazaqstan Respýblıkasynyń Ǵylym jáne joǵary bilim mınıstri Saıasat Nurbek 2024 jylǵy 2 qarashada aıtyp, Qazaqstan men Oksford ýnıversıteti arasyndaǵy yntymaqtastyqtyń mańyzyn atap ótken bolatyn.
Baǵdarlama barysynda Oksford ýnıversıtetiniń stýdentteri qazaq tiliniń negizgi grammatıkalyq qurylymdary men sózdik qoryn meńgerip, kúndelikti qarym-qatynasta qazaq tilinde sóıleý daǵdylaryn jetildiredi. Sabaqtardy Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń professor-oqytýshylary zamanaýı ádistemeler negizinde júrgizedi.
Baǵdarlamanyń ǵylymı-ádistemelik mazmunyn ázirleýge Ahmet Baıtursynuly atyndaǵy Til bilimi ınstıtýtynyń ǵalymdary atsalysty. Mamandar sheteldik stýdentterge qazaq tilin deńgeılik negizde meńgertýge baǵyttalǵan oqý-ádistemelik jáne lıngvodıdaktıkalyq tásilderdi ázirledi.
Halyqaralyq jobanyń júzege asýyna «Bolashaq» baǵdarlamasynyń túlekteri de úles qosyp otyr. Olardyń Oksford ýnıversıtetimen qalyptasqan akademııalyq baılanystary Qazaqstan men Ulybrıtanııa arasyndaǵy bilim berý yntymaqtastyǵyn damytýǵa múmkindik berdi.
Baǵdarlama aıasynda til sabaqtarymen qatar Qazaqstannyń tarıhı-mádenı murasyn tanystyrýǵa baǵyttalǵan dárister, mádenı-aǵartýshylyq kezdesýler men praktıkalyq is-sharalar uıymdastyrylady. Qatysýshylar qazaq halqynyń salt-dástúri, qolóneri men ulttyq taǵamdarymen tanysady.
Sondaı-aq Túrkistan, Shymkent jáne Taraz qalalaryna tanymdyq saparlar uıymdastyrý josparlanǵan. Baǵdarlama qatysýshylary atalǵan qalalardaǵy tarıhı-mádenı eskertkishtermen, kıeli oryndarmen jáne sáýlet nysandarymen tanysady.
-Budan bólek, Oksford ýnıversıtetiniń stýdentteri Ahmet ıAsaýı ýnıversıtetinde ótetin «Qazaq tili – ǵylym tili: Digital Qazaqstan dáýirindegi ǵylymı transformatsııa» III halyqaralyq sımpozıýmyna qatysady. Joba qazaq tilin sheteldik aýdıtorııaǵa keńinen tanytýǵa, sondaı-aq Qazaqstan men Ulybrıtanııa arasyndaǵy bilim berý, ǵylymı jáne mádenı-gýmanıtarlyq yntymaqtastyqty odan ári nyǵaıtýǵa baǵyttalǵan,-delingen habarlamada.
Osyǵan deıin qazaq ashanasynyń Jenevada Michelin meıramhanasynda tanystyrylǵany týraly jazdyq.
