Ókpesiniń 50 paıyzy zaqymdanǵan almatylyqty aýrýhana qabyldamady: Basqarma túsinik berdi
ALMATY. QazAqparat – Ókpesiniń 50% - zaqymdanǵan almatylyq áıeldi qalalyq juqpaly aýrýlar aýrýhanasy jatqyzýdan bas tartqan. Bul týraly turǵyn áleýmettik jelide jarııalady. Qoǵamdyq densaýlyq saqtaý basqarmasy atalǵan jaǵdaıǵa qatysty túsinikteme berdi, dep habarlaıdy QazAqparat tilshisi.
Almatylyq áıeldiń shaǵymy áleýmettik jelide jarııalandy .
«Bul juqpaly aýrýlar aýrýhanasy. Meni aýrýhanaǵa jedel járdem kóligimen alyp keldi, biraq olar meni qabyldaýdan bas tartty, sebebi ókpeniń 50% -y zaqymdanǵan jáne joǵary temperatýrada aýrýhanaǵa jatqyzý týraly nusqaý joq», - dep jazdy avtor.
Almaty qalalyq qoǵamdyq densaýlyq saqtaý basqarmasynyń málimetinshe, jedel járdem qyzmeti naýqasty I. S. Jekenov atyndaǵy qalalyq klınıkalyq juqpaly aýrýlar aýrýhanasy alyp kelgen. Jáne ony dárigerler teksergen.
«Qorytyndyǵa sáıkes: ókpeniń zaqymdanýy asa aýyr emes, jaǵdaıy kúrdeli bolmaǵandyqtan ony alǵashqy medıtsınalyq-sanıtarlyq kómek dárigerleri qashyqtan baqylaıdy», - dep jaýap berdi basqarmadaǵylar.
