Ókpeni jasandy jeldetý apparaty jetkilikti - Almaty
ALMATY. QazAqparat - Almaty qalalyq Qoǵamdyq densaýlyq saqtaý basqarmasynyń bastyǵy Tileýhan Ábildaev qala aýrýhanalarynyń ókpeni jasandy jeldetý (ÓJJ) apparatarymen qamtamasyz etilýi týraly aıtty, dep habarlaıdy QazAqparat tilshisi.
«Ókpeni jasandy jeldetý qurylǵylaryna keler bolsaq, qazirgi ýaqytta apparat jetkilikti. Reseı bizge «Aventa» ÓJJ qurylǵysynyń 20 danasyn syılamaq bolǵan. Alaıda túrli sebepterge baılanysty olar bizge jibere almady», - dedi Tileýhan Ábildaev Almatydaǵy Qoǵamdyq keńestiń onlaın otyrysynda.
Onyń aıtýynsha, keıde Almatyda birden eki naýqasty ÓJJ apparatyna qosý kerek bolyp qalady.
«Almatydaǵy COVID-19 emdeýge arnalǵan barlyq juqpaly gospıtalder joǵary sapaly, sheteldik ókpeni jasandy jeldetý apparatarymen qamtamasyz etilgen», - dep atap ótti ol.
