Ókpe obasy týraly ósek taratqan stýdenttiń ústinen is qozǵaldy - Reseı
ASTANA. Jeltoqsannyń 4-i. QazAqparat - Saratov Іshki ister basqarmasy ókpe obasy týraly ósek taratqan medık-stýdenttiń ústinen qylmystyq is qozǵady,
dep habarlaıdy «Maıak» radıosy.
22 jastaǵy azamatqa «lańkestik týraly qasaqana jalǵan habar taratty», degen aıyp taǵylyp otyr.
Bul oqıǵaǵa stýdenttiń Internet saıttarynyń birinde jasaǵan jazbasy sebep bolǵanyn aıta ketý kerek. Esterińizge salaıyq, sársenbi kúni saratovtyqtardyń arasynda dúrbeleń oryn alǵan bolatyn. Internette Saratovta ókpe obasynyń oshaǵy tirkelgeni, indet oshaǵyn zararsyzdandyrý úshin ushaqtyń kómegimen qala ústinen dári sebiletini týraly aqparat paıda boldy.
Aımaqtyń densaýlyq saqtaý vedomstvosy bul oqıǵany «oıyny osylǵan» jas jigittiń qaljyńy ekenin aıtyp, qala turǵyndaryn medıalyq buzaqylarǵa qulaq asa bermeýge shaqyrdy.
