Ókpe qabynýynan kóz jumǵandar qalaı jerlenedi

NUR-SULTAN. QazAqparat - Ókpe qabynýynan kóz jumǵandarǵa koronavırýstan qaıtys bolǵandardy jerleý erjesi qoldanylady. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhaty barysynda mınıstrge «koronavırýstan qaza tapqandardy jerleý erejesi ókpe qabynýynan qaıtys bolǵandarǵa da qoldanyla ma?» degen suraq qoıylǵan edi.

«Bul birdeı jaǵdaı. Sondyqtan emdeý sharalarymen qatar basqa da prıtsıpter saqtalatyn bolady», - dep jaýap berdi mınıstr.

Aıta keteıik, QR Bas memlekettik sanıtar dárigeri Aıjan Esmaǵambetovanyń koronavırýs indetinen qaza tapqandardy jerleý algorıtmi aıqyndalǵan qaýlysy shyqqan bolatyn. Atalǵan qaýlynyń qosymshasyna sáıkes, COVID-19-ǵa kúdikti adam qaıtys bolǵanda epıdemıologııalyq tekserý jáne osy jaǵdaıǵa baılanysty basqa da is-sharalar epıdemııaǵa qarsy rejım talaptaryn saqtaı otyryp tez arada júrgiziledi. SOVID-19 dıagnozy zerthanalyq rastalǵan jaǵdaıda qaıtys bolǵan adamnyń denesi ashylmaıdy jáne týystaryna berilmeıdi. Al, COVID-19-ǵa kúdikti qaıtys bolǵanda máıit zerthanalyq zertteý nátıjesi shyqqansha týystaryna berilmeıdi.