Ókpe qabynýyna PTR test arqyly anyqtalmaǵan jańa koronavırýs sebep boldy - DSM
«Qazaqstanda aýyr pnevmonııalardyń (qozdyrǵyshtardyń tabıǵaty) damýyna týdyratyn sebepterdi anyqtaý maqsatynda kovıd tárizdi pnevmonııanyń etıologııasyn, onyń ishinde aǵzaǵa basqa múmkin qozdyrǵyshtardyń – vırýstar men bakterııalardyń bolýyn anyqtaý maqsatynda pılottyq zertteý júrgizildi. Bul rette, Nur-Sultan, Almaty, Shymkent, Aqtóbe, Qaraǵandy, Pavlodar qalalarynda kompıýterlik tomografııada («kúńgirt shyny», SARS-CoV-2 PTR testiniń bastapqy teris nátıjesi bar) COVID-19 klınıkalyq belgileri bar ekijaqty aýrýhanadan tys pnevmonııasy bar adamdar tekserildi», - dedi Alekseı Tsoı.
Onyń atap ótýinshe, Zertteýdiń aldyn-ala nátıjeleri boıynsha pnevmonııamen aýyratyn naýqastardan alynyp synalǵan úlgilerdiń eshqaısysy A jáne V tumaýynyń vırýstaryna, sondaı-aq tumaý emes ınfektsııalarǵa oń nátıje kórsetpegeni anyqtaldy.
«Osylaısha pnevmonııaǵa PTR testileý arqyly anyqtalmaǵan jańa koronavırýs sebep boldy. Ortasha jáne aýyr pnevmonııamen aýyratyn naýqastardyń shamamen úshten birinde pnevmonııamen baılanysty belgili bir bakterııalar anyqtaldy. Sonymen qatar, bakterııalyq ınfektsııanyń bolýy aýrýdyń aýyrlyǵyna baılanysty boldy. Aýrýdyń aýyr túrimen aýyratyn naýqastardyń bir bóliginde bakterııalyq ınfektsııa aýrýdyń aǵymyn aýyrlatatyn jańa koronavırýspen ınfektsııaǵa qosylady (streptokokktar, stafılokokktar, klebsıellalar jáne t.b.)», - dedi mınıstr.
Aıta keteıik, elimizde koronavırýsqa baılanysty turǵyndar arasynda ókpe qabynýy artyp ketken bolatyn.