Ókpe aýyrýymen aýyratyn balabaqsha dırektory qyzmetinen bosatyldy
ASTANA. Qazannyń 22-si. QazAqparat - Batys Qazaqstan oblysynyń Jańaqala aýdandyq prokýratýrasy men sanıtarlyq-epıdemıologııalyq qadaǵalaý basqarmasynyń mamandary óńirdegi balabaqshalardyń qyzmetindegi sanıtarlyq-epıdemıologııalyq normalar men erejeler talaptarynyń saqtalýyna tekserý júrgizgen. Shara barysynda aımaqtaǵy balabaqshalardyń biriniń dırektory ókpe aýyrýymen aýyratyndyǵy anyqtalǵan,
dep habarlaıdy QazAqparat QR Bas prokýratýrasyna silteme jasap.
Qazaqstan Respýblıkasy Densaýlyq saqtaý mınıstriniń № 466 buıryǵymen bekitilgen týberkýlezben kúres týraly nusqaýdyń 76-shy tarmaǵynda ókpe aýyrýyna shaldyqqan adamdar mektepke deıingi uıymdardyń jumysyna qatystyrylmaıdy dep kórsetilgen.
Osyǵan oraı aýdandyq prokýrordyń uıǵarymymen jáne bilim berý bólimi bastyǵynyń buıryǵymen atalǵan balabaqsha dırektory laýazymynan bosatyldy.
