Ókpe aýrýyna shaldyqqan sottalýshylar arasyndaǵy ólim-jitim 64 paıyzǵa kemidi - ІІM basshysy
«Sońǵy 5 jylda sottalǵandar men tergeý aldy qamaýǵa alynǵandardyń jalpy ólim-jitimin 36, onyń ishinde týberkýlezden qaza tapqandardyń sanyn 64 paıyzǵa tómendetýge qol jetkizdik. Týberkýlezge shaldyǵýdyń jańa derekteriniń tirkelýi 37 paıyzǵa tómendegeni baıqalady. Ókpe aýrýyna shaldyqqandar sanynyń azaıýy Pavlodardaǵy týberkýlezben aýyratyndarǵa arnalǵan emdeý mekemesin taratýǵa múmkindik berdi», - dedi mınıstr.
Onyń atap ótýinshe AQTQ jáne týberkýlezben kúres jónindegi jahandyq qordyń qaıtarymsyz qarjysy esebinen juqpaly aýrýlarmen kúres boıynsha sharalar jaqsy jolǵa qoıylyp otyr. Máselen, 2013 jyly ókpe aýrýyna shaldyqqan sottalýshylardy emdeýge jalpy quny 270 mln. teńgeni quraıtyn dári-dármek bólindi.
«Salamatty Qazaqstan» memlekettik baǵdarlamasy aıasynda 750 mln. teńgeden astam somaǵa shamamen 640 medıtsınalyq tehnıka, medıtsınalyq maqsattaǵy buıymdar satyp alyndy»,- dedi Q.Qasymov.
