OQO jumyspen qamtý boıynsha elimizde kósh basynda
Onyń aıtýynsha, bul kórsetkish jumyspen qamtylǵan azamattardyń 86 paıyzy mindetti zeınetaqy jarnalary aýdarylǵany arqyly anyqtalǵan.
Elbasynyń bıylǵy jyly halyqqa Joldaýynda belgilengen bes baǵyttyń biri - Jańa áleýmettik saıasattyń iske asyrylýy boıynsha atqarylǵan jumystardy baıandaǵan basqarma basshysy oblysta osy jyly 319 otbasy ataýly áleýmettik kómek, 65 myńnan astam otbasy 18 jasqa deıingi balalarǵa arnalǵan járdemaqy alyp jatqanyn aıtty.
«Áleýmettik kómek alýshylardyń qatarynda eńbekke jaramdylar ortasha eseppen 24,4 paıyzyn quraıdy. Az qamtylǵan otbasylarǵa áleýmettik kómek kórsetý úshin jergilikti bıýdjetterden 5 mlrd.teńgege jýyq qarjy bólindi. 2018 jyldyń 1 qańtarynan bastap áleýmettik tólemderdiń úsh túrimen birge (kóp balaly jáne az qamtamasyz etilgen otbasylarǵa tólenetin járdemaqy, balalar járdemaqysy) ataýly áleýmettik kómektiń jańa túri engiziletin bolady»,-dedi spıker.
Bul kómektiń túri shyndyǵynda qıyn jaǵdaıǵa tap bolǵan jáne obektıvti sebepterge (jasy, densaýlyq jaǵdaıy, múgedektik jáne ózge áleýmettik osaldyq) baılanysty osy jaǵdaıdan shyǵa almaıtyn azamattarǵa shartsyz kómek bolyp usynylatyn bolady. ıAǵnı, eńbekke qabilettilikti saqtaǵan, kómek alýshy úmitkerlerge qoldaý shartty aqshalaı túrinde kórsetiletin bolady.
Osy maqsatta «Órleý» jobasynyń aıasynda kúnkóris deńgeıiniń 60 paıyzynan tómen turatyn az qamtamasyz etilgen azamattaryna jumyspen qamtýdyń belsendi sharalaryna qatysqan jaǵdaıda shartty aqshalaı kómek kórsetý qarastyrylǵan. Shartty aqshalaı kómektiń mólsheri kúnkóris deńgeıiniń 60 paıyzy men otbasynyń jan basyna shaqqandaǵy tabysynyń aıyrmashylyǵyna teń.
«2016 jyly «Órleý» jobasyn engizý tájirıbesin keńeıtý úshin, shartty aqshalaı kómek júıesin oblysymyzdaǵy barlyq aýdan, qalalarda engizý josparlandy. Joba aıasynda 14927 adam 602,5 mln.teńgege shartty aqshalaı kómekpen, onyń ishinde 2944 adam jumyspen qamtý belsendi sharalarymen qamtylatyn bolady. Nátıjesinde, kedeılik deńgeıin 6,0 paıyzdan ósirmeý kózdelýde», -dedi A.Temirbaeva.
OQO ákiminiń baspasóz qyzmetiniń habarlaýynsha, «Órleý» jobasy 2015 jyly 4 óńirde ilki joba retinde engizilip, 139 otbasyndaǵy 913 adamǵa 23 mln. teńge tólengen. 
