OQO: Joldasyn temirmen uryp óltirgen 20 jastaǵy jigit sottaldy
ShYMKENT. QazAqparat - Ońtústik Qazaqstan oblysy Arys qalasynda kisi óltirgen 20 jastaǵy jigitke qatysty sot úkimi shyqty, dep habarlaıdy QazAqparat tilshisi.
Aıta keteıik, qylmystyq oqıǵa ótken jyldyń tamyz aıynda bolǵan. Keshki ýaqytta Arys AІІB-niń kezekshi bólimine turǵyn úılerdiń birinen máıittiń tabylǵany týraly habarlama túsken. Oqıǵa ornyna kelip jetken polıtseıler belgisiz bireýler óltirip ketken er azamattyń jergilikti jerdiń turǵyny ekenin anyqtady.
Tergeý barysynda belgili bolǵandaı, jergilikti turǵyndar ishimdik ishý barysynda ózara janjaldasyp qalǵan. Sońynan 20 jastaǵy jigit joldasynyń basynan temir zatpen birneshe ret uryp, ony mert qylǵan.
Ol aıǵaqty zattardyń kózin joıyp, máıitti de jasyrmaq bolǵan. Biraq kúdikti kóp uzamaı-aq tártip saqshylarynyń qolyna túsken. Osy jaıt boıynsha Qylmystyq kodekstiń 99-shy («Qasaqana kisi óltirý») baby boıynsha is qozǵalyp, sotqa joldanǵan bolatyn. Arys aýdandyq soty aıyptalýshyny kináli dep taýyp, ony 11 jylǵa bas bostandyǵynan aıyrdy.
