OQO: Jetim jáne ata-anasynyń qamqorlyǵynsyz qalǵan 95 túlekke JOO-ǵa tegin joldama berildi

Mektep shákirtteriniń úlken ómirge qadam basqaly otyrǵan qýanyshtarymen bólisken oblys ákimi Janseıit Túımebaev oqýshylarǵa sáttilik tilep, ıgi bastamaǵa qoldaý kórsetken joǵary oqý oryndarynyń basshylaryn alǵys hatymen marapattady.

«Sońǵy jyldary  qalyptasqan ıgi dástúr boıynsha  oblystaǵy  joǵary oqý oryndary  sizderge qolushyn sozyp, aqysyz  tegin  oqýǵa  qabyldap otyr. Sol oqý  oryndaryn  abyroımen  basqaryp  otyrǵan aǵa býyn  ókilderiniń bul  jaqsylyǵyna  sizderdiń  attaryńyzdan rızashylyǵymyzdy bildirip, alǵys  aıtamyn!», - dedi J.Túımebaev.

Óńirdegi 12 joǵary oqý orny atsalysyp otyrǵan ıgi iske negizine, 103 joldama berilip otyr.

Tarqatyp aıtsaq, «Ońtústik Qazaqstan pedagogıkalyq ýnıversıteti 20 joldama bólse, Ońtústik Qazaqstan memlekettik pedagogıkalyq ınstıtýty 15, Halyqaralyq gýmanıtarlyq-tehnıkalyq ýnıversıteti - 15, Q.A.ıAsaýı atyndaǵy halyqaralyq qazaq-túrik ýnıversıteti men M.Áýezov atyndaǵy Ońtústik Qazaqstan memlekettik ýnıversıteti on joldaman 20, Aımaqtyq áleýmettik-ınnovatsııalyq ýnıversıteti 9, «Syrdarııa» ýnıversıteti 8, Qazaqstan ınjenerli-pedagogıkalyq halyqtar dostyǵy ýnıversıteti 5, «Mıras» ýnıversıteti, «Shymkent» ýnıversıteti, Ońtústik Qazaqstan memlekettik farmatsevtıkalyq akademııasy úsh joldamadan 9 jáne M.Saparbaev atyndaǵy Ońtústik Qazaqstan gýmanıtarlyq ınstıtýty 2 joldama arnaǵan.

Al búgin sonyń 95 joldamasy UBT-da shektik baldy jınap, emtıhannan ótken túlekterge berildi. Qalǵan 8 joldama UBT-daǵy shyǵarmashylyq emtıhandy kútip júrgen shákirtterdi kútýde.

Jalpy, 2016-2017 oqý jylynda  oblysta  208  jetim jáne ata-anasynyń qamqorlyǵynsyz qalǵan balalar (34-i balalar úıleri túlekteri) 11-synypty bitirdi. 208 túlektiń 130-y UBT-ǵa qatysyp 107-y  Ulttyq biryńǵaı  testileý nátıjesinde shektik deńgeıden ótken. Olardyń 95-i oblystaǵy joǵary oqý oryndaryna, 106-y kolledjderde, 12-si respýblıkanyń basqa óńirlerinde bilim alýǵa nıet bildirip otyr, dep habarlaıdy  OQO ákiminiń baspasóz qyzmeti.

Aıta ketetin jaǵdaı, UBT-da qajetti baldy jınaı almaǵan shákirtter orta arnaýly oqý oryndarynda tegin bilim alatyn bolady.