OQO ustazdardyń ata-analarmen jumys júrgizýi boıynsha kóshbasshy óńir atandy
ASTANA. QazAqparat - Ońtústik Qazaqstan oblysynyń ustazdary ata-analarmen jumys júrgizý boıynsha kósh basynda, dep habarlady OQO ákiminiń baspasóz qyzmetinen.
QR Bilim jáne ǵylym mınıstrliginiń uıymdastyrýymen osy jyldyń 10 qyrkúıeginde «HHІ ǵasyr ata-analarynyń: «Óz balańa úlgi bol!» aktsııasy jarııalanǵan bolatyn. 1 synyp oqýshylarynyń ata-analaryna arnalǵan psıhologııalyq- pedagogıkalyq kómek retinde ótkizilgen respýblıkalyq sharaǵa Ońtústik Qazaqstan oblysy boıynsha 892 mektep pen ortalyqtandyrylǵan bilim berý mekemesi qatysyp, 60 myńnan astam ata-ana jumyldyryldy.
Mektep pen ata-ana arasyndaǵy baılanysty nyǵaıtý, bala tárbıesinde muǵalim ǵana emes, áke men ananyń rólin kúsheıtý maqsatynda ótkizilgen aktsııa 7 qazan kúni elordada ótken dóńgelek ústelde qorytyndylandy.
Qazaqstan Respýblıkasyndaǵy bilim berý uıymdary ishinen ozyq metodıkalardy paıdalana otyryp, ata-analarmen jumys júrgizýde kósh bastaǵan Ońtústik muǵalimderi túrli atalymdaǵy 32 marapatqa ıe bolyp, Ońtústik Qazaqstan oblystyq bilim basqarmasy eń úzdik bilim berý uıymy bolyp tabyldy. Sonymen qatar, Astana tórinde Shymkent qalasyndaǵy №83 orta mektep ujymynyń ata- analarmen jıyn úlgisi kórsetildi.
