OQO turǵyny 4 mln teńgeni alaıaqtyq jolmen jymqyrǵan
ShYMKENT. QazAqparat - Ońtústik Qazaqstan oblysy, Saryaǵash aýdanynda alaıaqtyq qylmysyna qatysy bar degen kúdikpen 30 jastaǵy turǵyny ustaldy. Ózin tekserý organynyń qyzmetkerimin dep tanystyrǵan kúdikti turǵyndardyń 4 mln teńgesin jymqyryp ketken, dep habarlaıdy QazAqparat tilshisi.
Saryraǵash aýdandyq ishki ister basqarmasyna birneshe turǵynnan aryz kelip túsken. Onda azamattar belgisiz er adamnyń senimderine kirip, túrli sebepter arqyly alaıaqtyq áreketterge barǵan. Sóıtip aqshalarynan alyp, qashyp ketken. Bir jábirlenýshi bolsa jaz mezgilinde turmystyq zattar satatyn dúkenine belgisiz er adam kelip, ózin tekserý organnyń qyzmetkeri dep tanystyrǵanyn aıtqan. Qujattaryn tekserip bolǵan soń, aldaý jolymen aqshasyn, taýarlaryn alyp ketipti.
Osy aryzdardan keıin jedel-izdeý sharalaryn júrgizgen tártip saqshylary 1987 jyly týǵan kúdiktini qolǵa túsirdi. Tekserý barysynda alaıaqtyq qylmysy úshin birneshe ret sotty bolǵanyn anyqtady. Qazirgi tańda seziktiniń 7 alaıaqtyq deregine qatysy bar ekeni dáleldendi. Jábirlenýshilerge keltirilgen shyǵyn kólemi 4 mln teńgeni qurap otyr.
Sondaı-aq, ustalǵan azamattyń ózge de qylmystarǵa qatystylyǵy tekserilip jatyr. Polıtseıler 30 jastaǵy turǵynnyń ústinen Qylmystyq kodekstiń 190-baby «Alaıaqtyq» boıynsha is qozǵady.
