OQO turǵyndary polıtsııaǵa 300-den astam qarý tapsyrdy
ShYMKENT. QazAqparat - Ońtústik Qazaqstan oblysynda 10 sáýirden bastap turǵyndardan zańsyz saqtalǵan atys qarýlary men oq-dáriler, jarylǵysh zattardy satyp alý aktsııasy ótkizilýde. Atalǵan shara aıasynda jergilikti halyqtan 300-den astam qarý alyndy, dep habarlaıdy QazAqparat tilshisi.
Atap aıtqandaı, aktsııa barysynda 196 azamattan 332 dana atys qarýy qabyldanǵan. Onyń 47-si oıyq, 283-i tegis uńǵyly qarý. Sonymen qatar, turǵyndar oıyq karabın men travmatıkalyq tapanshalardy da polıtsııaǵa ákelgen. Arnaıy qurylǵan komıssııanyń qortyndysymen 251 qarýdy satyp alý týraly sheshim qabyldandy. Qajetti rásimderdi júrgizgennen keıin qarý tapsyrǵandarǵa 13 mıllıon teńgeden astam qarjy tólenedi.
Foto: nikolaev-city.net
