OQO turǵyndary kommýnaldyq qyzmetke 2,7 mlrd teńge qaryz
ShYMKENT. QazAqparat - Ońtústik Qazaqstan oblysynyń turǵyndary kommýnaldyq qyzmetke 2,7 mıllıard teńge qaryz. Bul týraly óńirdiń kommýnaldyq sala mamandary málimdedi, dep habarlaıdy QazAqparat tilshisi.
Mamandardyń aıtýynsha, 2,7 mlrd teńge qaryzdy tabıǵı gaz ben jylýdyń aqysy. Máselen, kógildir otynǵa bereshek 1 mlrd 700 mln teńgege jetken. Onyń 700 mln teńgesi keıingi úsh aıdan beri jınalǵan qaryzdar sanalady.
«Qaryzdar jaıynda turǵyndarǵa kúndelikti eskertý qaǵazdary jiberilip jatyr. Tólemegenderiń gazdary óshirilip jatyr. Al, buǵan deıin gazdan ajyratylǵandar sotqa berilýde»,- «QazTransGaz Aımaq» AQ OQOF-y bólim basshysynyń orynbasary Asqar Moldanazaruly.
Qalǵan 574 mln teńge qaryz jylýdyń aqysy bolsa, onyń 76 mıllıony sońǵy eki jyldan beri jınalmaı kele jatqan aqshalar. Búginde qaladaǵy 1 811 kópqabatty úı ortalyq qazandyqqa qosylǵan. Qaryzdy tezdetip óndirip alý úshin jylý berýshiler boryshkerlermen kúresti kúsheıtti. Eskerýge qulaq aspaǵandardyń úılerin kommýnaldyq júıeden ajyratyp, isterin sotqa joldaımyz dep otyr.
