OQO turǵyndary Elbasynyń maqalasyn qoldady
ShYMKENT. QazAqparat - Búgin Ońtústik Qazaqstan oblysynyń jastary Shymkent qalasyndaǵy Ál-Farabı alańynda «EKSPO-2017» halyqaralyq kórmesi men Elbasynyń «Bolashaqqa baǵdar: rýhanı jańǵyrý» maqalasyn qoldaıtyndyqtaryn bildirip, fleshmob uıymdastyrdy, dep habarlaıdy QazAqparat.
Merekelik sharanyń ashylýynda sóz alǵan oblys ákiminiń orynbasary Baýyrjan Jamalov aldaǵy jazda ótkeli otyrǵan mamandandyrylǵan kórmeniń mańyzyna toqtaldy. Jınalǵan kópshilikti oblysymyzdaǵy daıyndyq jumystarynyń barysymen tanystyrdy.
Sharaǵa kórmege iriktelip alynǵan 85 eriktimen qatar ulttyq aspaptar orkestrinen jalpy sany 150 azamat qatysyp, jınalǵandarǵa kontserttik baǵdarlamalaryn usyndy.
Búgingi sharaǵa jınalǵandar sonymen qatar, Sh.Qaldaıaqov atyndaǵy oblystyq fılarmonııanyń ult aspaptar orkestriniń bir mezette oryndaǵan kúıin tyńdady.
Oblystyq fılarmonııanyń dombyrashylary bul fleshmobty Elbasy Nursultan Ábishuly Nazarbaevtyń 12 sáýir kúni jarııalanǵan «Bolashaqqa baǵdar: rýhanı jańǵyrý» baǵdarlamalyq maqalasyna arnap otyr. Olar belgili kompozıtorlardyń kúıleri men halyq ishine keń taralǵan áýenderdi, patrıottyq ánderdi oryndap, tyńdaýshylardy óz ónerlerimen dýmanǵa bóledi.
Fleshmobtyń maqsaty - kórmeni keńinen jarnamalap, halyq arasynda nasıhattaý jáne jastardy óz eliniń patrıotty bolýǵa shaqyrý.
Búgingi tańda oblys kóleminde «EKSPO - 2017» halyqaralyq mamandandyrylǵan kórmesine daıyndyq jumystary qarqyndy júrgizilýde. Úgit-nasıhat jumystarynyń nátıjesi de jaman emes. Kórmeniń joǵary deńgeıde ótýine atsalysatyn 100 erikti de daıyndyqtaryn kún saıyn pysyqtap jatyr.
Sonymen qatar, «EKSPO-2017» halyqaralyq kórmesine oraı uıymdastyrylǵan sharada ońtústikqazaqstandyq baıkerler jınalǵan jurtshylyqqa ózderine tán erejeler men qaǵıdalardy kórsetti.
