OQO turǵyndary dınozavr súıekterin taýyp alǵanyn málimdedi
ShYMKENT. QazAqparat - Ońtústik Qazaqsstan oblysynda eki turǵyn dınozavr súıekterin taýyp alǵany jóninde aqparat taratty. Ýatsap menssendjeri arqyly taraǵan sýrette eki jigittiń dınozavrǵa uqsas súıekti ustap turǵanyn kórýge bolady.
Al, tómen jaǵynda bul súıek Saıram aýdanynda tabylǵany jóninde jazylady. Turǵyndardyń sózinshe dınozavrǵa uqsas qańqa bir ǵasyrǵa jýyq turǵan eski úıdi buzyp jatqan kezde tabylǵany kórsetilgen. Jeli qoldanýshylar bolsa tabylǵan súıekter dınozavrdyń ejelgi túrine tıesili ekenin aıtyp, ony ǵalymdarǵa jiberý kerek, dep otyr.
Aıta keteıik, buǵan deıin de Qazyǵurt aýdanynyń turǵyndary dınozavrdyń súıegin taýyp aldyq dep eldi shýlatqan bolatyn. Keıinnen tabylǵan súıekterdi zerttegen ǵalymdar onyń kádimgi mysyqqa tıesili ekenin anyqtady.
