OQO turǵyndary bilikti medıtsına mamandaryna tegin qaraldy
ShYMKENT. QazAqparat - Ońtústik Qazaqstan oblystyq oftalmologııa aýrýhanasy «Ashyq esik kúnin» ótkizdi. Bul kúni bilikti dárigerler naýqastarǵa tekserý-emdeý sharalaryn tegin júrgizdi, dep habarlaıdy QazAqparat HAA tilshisi.
Mamandar kózine shaǵymdanǵan turǵyndarǵa keńester berip, qajetti emdik sharalar taǵaıyndady.
«Túske deıin 150-deı adam tegin tekserýden ótip, dárigerlik keńester aldy. 300-den astam 11 túrli aspaptyq zertteýler júrgizildi. Biraq, biz ýaqytpen shektelmeımiz. Sońǵy patsıentke deıin dárigerlik kómek kórsetemiz», - dedi aýrýhananyń bas dárigeri Dýlat Úderbaev.
Aıta keteıik, atalǵan emdeý mekemesi mıkrohırýrgııalyq operatsııanyń 27 túrin jáne lazerlik operatsııanyń 10 túrin jasaıdy. Jyl saıyn 20-22 myń adam keńes berý-dıagnostıkalyq emhanasyna qaralyp, emdeý máseleleri boıynsha keńes alady. Munda arnaıy sýqarańǵy (glaýkoma) keselin emdeý, operatsııadan keıingi naýqastardy saýyqtyrý, ońaltý, qan tamyrlary patologııasyn emdeý jáne lazerlik kabınetter jumys isteıdi.
