OQO týmasy Almaty mektepterinde telefon urlaýmen aınalysqan
ALMATY. QazAqparat - Almatyda kópshilik jerde telefon jáne basqa da gadjetterdi urlaýmen aınalysqan jigit ustaldy. 19 jastaǵy jigit OQO týmasy bolyp shyqty. Bul týraly qalalyq baspasóz qyzmeti habarlady.
Onyń aıtýynsha, er adam kóbine qoǵamdyq oryndardy atap aıtqanda, mektepter men JOO-lardy jaǵalaǵan. Ústel ústindegi qaraýsyz turǵan telefon, gadjetterdi, tipti noýtbýktardy alyp ketip otyrǵan. «Óziniń aıtýynsha, bul qylmysqa bireýdiń aıtqanymen barǵan. Urlaǵan zattaryn soǵan aparyp qomaqty syıaqy alyp otyrdym deıdi. Kúdikti 20 ret qylmystyq iske barǵanyn aıtty», - dedi Medeý aýdandyq ІІB basshysy Esen Ysqaqov.
