OQO: Túlkibastaǵy ındýstrıaldy aımaqta 6 joba júzege asyrylmaq
ShYMKENT. QazAqparat - Túlkibastaǵy jalpy jer kólemi 50 gektardy quraıtyn ındýstrıaldy aımaqta jalpy quny 3 mlrd.709 mln. teńgelik, jańa 284 jumys orny ashylatyn 6 joba júzege asyrylmaq, dep habarlaıdy aýdan ákimdiginiń baspasóz qyzmeti.
Aýdan basshysy Áýelhan Turǵymbekov atalǵan jobalardy júzege asyrýshy kásipkerlermen kezdesip, kelisimshartqa qol qoıyldy. Jańa zaýyttardy qurylys jumystary osy aıda bastalmaq. Jobalardyń negizgi baǵyty aýdannyń tabıǵı ereksheligin eskere otyryp, tamaq ónimderin óndirý bolyp tańdaldy. Onyń ishinde jemis-jıdek, kókónisterdi óńdeý, tabıǵı shyryn shyǵarý bolyp otyr. Aldaǵy ýaqytta aýdanda taza tabıǵı ónimderden shyryndy sýsyndar men et ónimderinen shujyq taǵy basqa ónimder daıyndalatyn bolady. Kásiporyndardy qajetti shıkizatpen qamtamasyz etý úshin aýdanda baý-baqshalar, mal sharýashylyǵy salasynda kooperatıvter qurylatyny aıtyldy. Aldaǵy ýaqytta ındýstrıaldy aımaqqa taǵy da 9 joba ornalastyrý kózdelýde.
Aıta ketý kerek, Túlkibas kókónis pen jemis-jıdek mol óndiriletin aýdan. Túlkibastyń almasynyń ózi Ońtústik Qazaqstan oblysynyń brendine aınalyp úlgerdi. Budan bólek mal sharýashylyǵynda da ózindik ereksheligi bar aýdan. Óıtkeni bul aýdanda asyl tuqymdy jylqy sharýashylyǵy qanatyn jaıyp keledi. Qoryta aıtqanda, aýdannyń áleýeti joǵary.
