OQO: Túlkibasta «Biz Qazaqstannyń keleshegimiz!» atty jastar forýmy ótti

ASTANA. QazAqparat - Qazaqstan Respýblıkasy Táýelsizdiginiń 25 jyldyǵyna oraı, Ońtústik Qazaqstan oblysy Túlkibas aýdandyq "Jastar resýrstyq ortalyǵy" kommýnaldyq memlekettik mekemesiniń uıymdastyrýymen "Biz Qazaqstannyń keleshegimiz!" atty jastar forýmy ótkizildi, dep habarlaıdy aýdan ákimdiginiń baspasóz qyzmeti.

Forýmdy "Jastar resýrstyq ortalyǵy" KMM-niń basshysy A. Asılbekov júrgizip otyrdy. Forým barysynda jastar arasynda kásipkerlikti damytý, jas kásipkerlerge qoldaý kórsetý maqsatynda atqarylyp jatqan jumystar jóninde kásipkerlerdi qoldaý ortalyǵynyń dırektory M. Ergebekov óz baıandamasynda aıtyp ótti.

Sondaı-aq aýdandyq ishki ister bóliminiń ıývenýaldy polıtsııa ınspektory aǵa leıtenant N. Esenbekov aýdan kólemindegi jastar arasynda oryn alyp jatqan keleńsiz jaǵdaılar, quqyqbuzýshylyq, sýıtsıd boıynsha baıandap, jastardy qylmystyq jaǵdaılardan boılaryn taza ustaýǵa shaqyrdy. Jastar jaryssózge shyǵyp, kókeılerinde júrgen suraqtarǵa bilikti mamandardar mardymdy jaýaptar aldy. Qatysýshy jastar arnaıy sertıfıkattarmen marapattaldy. Qorytyndy sóz aýdan ákiminiń orynbasary Janar Álibekqyzyna berildi. Janar Álibekqyzy jastardy QR Táýelsizdiginiń 25 jyldyǵymen quttyqtap, jastardy patrıottyqqa, otansúıgishtikke tartyp, elimizdiń bolashaǵy jastardyń qolynda ekendigin aıtyp izgi nıetin bildirdi. Forýmnyń sońynda jastar estelik sýretterge tústi.