OQO: Túlkibas aýdanynda mejeli mindetter tolyq oryndalǵan
ShYMKENT. QazAqparat - Ońtústik Qazaqstan oblysy Túlkibas aýdanynyń aýyl sharýashylyq salasyndaǵy mejeli mindetter tolyq oryndalǵa, dep habarlaıdy oblys ákimdiginiń baspasóz qyzmeti. Aýyl sharýashylyq salasynyń ónim kólemi 2016 jyldyń 9 aıynda 19 mlrd. 650,1 mln. teńgeni qurady. Naqty kólem ındeksi 100,1paıyz.
2016 jylǵa 900 gektarǵa baý egý josparlanǵan, 9 aıdyń qorytyndysy boıynsha oryndalǵany-122 gektar.
Tamshylatyp sýǵarý ádisi mejedegi 520 gektarǵa jetip, tereń qopsytý tehnologııasy 4920 gektarǵa engizildi. Bul turǵyda júktelgen mindet tolyq oryndaldy.
Mal sharýashylyǵy salasynda 2016 jyldyń 9 aıynda 11 mlrd. 627,3 mln. teńgeniń ónimi óndirilip, naqty kólem ındeksi 102,2 paıyzdy qurady.
Et óndirý-102,8%, sút-100,7%, jumyrtqa-101,8% artty.
Mal sharýashylyǵyn damytý sharalaryn iske asyrý nátıjesinde 328 tonna et, 276 tonna sút, 251 myń dana jumyrtqa ónimderi qosymsha óndirildi.
Sonymen qatar aýdanda memlekettik baǵdarlamalar da tıisti deńgeıde atqarylyp keledi. Máselen, «Sybaǵa» baǵdarlamasy boıynsha 406 bas satyp alynyp, jyldyq jospar 4 esege artyǵymen oryndaldy. «Altyn asyq» baǵdarlamasy boıynsha 430 bas alynyp 107,5 % oryndaldy. Ońtústik Qazaqstan oblysy mal sharýashylyǵyn damytý is-sharalarynyń 2014-2016 jyldarǵa arnalǵan jospary boıynsha aýdanda10-15 basqa arnalǵan 230 shaǵyn mal bordaqylaý alańdary, 5-10 bastyq 71 januıalyq sút fermasy, 13 sút qabyldaý beketteri ashylyp, mejeler artyǵymen oryndaldy.
