OQO: Túlkibas aýdanyn Túrkibasy dep ózgertý týraly usynys qoldaý tapty
ShYMKENT. QazAqparat - Ońtústik Qazaqstan oblysynda Túlkibas aýdanyn Túrkibasy dep ataý qoldaý tapty. Búgin oblystyq máslıhattyń kezekti HІ sessııasynda depýtattar osy usynysqa daýys berdi, dep habarlaıdy QazAqparat tilshisi
Máslıhat sessııanyń jumysy barysynda respýblıkalyq onomastıka komıssııasynyń qaraýyna Ońtústik Qazaqstan oblysyndaǵy Túlkibas aýdanynyń ataýyn qaıta ataý jónindegi usynysy engizilgen bolatyn.
Halyq qalaýlylarynyń pikirinshe, talaı tulǵalar túlep ushqan kıeli meken Túlkibas aýdanynyń ataýyn «Túrkibasy» dep ózgertý týraly usynys der kezinde kóterilip otyr. Jıynǵa qatysqan Ońtústik Qazaqstan oblysynyń ákimi Janseıit Túımebaev máseleniń ózektiligine de nazar aýdartty. Onyń aıtýynsha, Elbasynyń «Bolashaqqa baǵdar: rýhanı jańǵyrý» baǵdarlamasy aıasynda óńirdegi jer, sý attary tarıhı ataýlaryna qaıta qol jetkizip keledi. Osy baǵyttaǵy jumystar aldaǵy ýaqytta da jalǵasyn tabatyn bolady.
«Sońǵy jyldary bul másele birneshe ret kóterildi. Keńes zamanynda aýdannyń tarıhı ataýy burmalanǵany tarıhshy ǵalymdarǵa da belgili. Sondyqtan Túlkibasy ataýyn Túrkibasy dep ózgertý týraly usynysty biraýyzdan qoldaımyn. Atalǵan másele oblystyq ákimdik pen oblystyq máslıhatta tıisti sheshim shyǵarylyp, oblystyq onomastıkalyq komıssııada qaraldy. Sońǵy sheshimdi respýblıkalyq onomastıkalyq komıssııa qabyldaıtyn bolady», - dedi Janseıit Túımebaev.
