OQO túleginiń ornyna UBT-ny almatylyq jigit tapsyrmaq bolǵan - BǴM
ASTANA. QazAqparat - OQO túleginiń ornyna UBT-ny almatylyq jigit tapsrmaq bolǵan. Bul týraly Bilim jáne ǵylym mınıstrliginiń baspasóz qyzmeti habarlady.
«8 maýsym kúni №790 UBT ótkizý pýnktynda (Ońtústik oblysynyń Saryaǵash aýdany) oqýshylardy testileýge kirgizý kezinde mınıstrlik ókilderi T. Aıbergenov atyndaǵy mektep túleginiń ornyna basqa adamnyń kelgenin anyqtady», delingen habarlamada.
Atalǵan oqıǵa boıynsha tıisti akti jasalyp, tártip buzýshy azamatty anyqtaý úshin quqyq qorǵaý organdaryna tapsyrylǵan.
Saryaǵash aýdandyq ІІB aqparaty boıynsha, túlektiń ornyna testileýden ótpek bolǵan Ońtústik Qazaqstan oblysynyń týmasy, qazir Almaty qalasynda turatyn 1996 jylǵy jigit ekendigi anyqtalǵan.
