OQO: Tólebı aýdanynda joldar keńeıtilip, kósheler jaryqtandyrylýda
ASTANA. QazAqparat - Ońtústik Qazaqstan oblysy Tólebı aýdanynda kólik joldary keńeıtilip, kóshelerdi jaryqtandyrý jumystary qarqyn alýda, dep habarlaıdy QazAqparat aýdan ákimdiginiń baspasóz qyzmetine silteme jasap.
«Buǵan deıin batpaqqa batyp júrgen oqýshylar mektepke asfalt jaıaýjolymen qatynaıtyn boldy. «Birkólik» demalys aımaǵyndaǵy kósheler qos taraptaǵy kóliktiń bir mezette ótýi úshin tarlyq etetin. Eni 6 metr bolatyn joldar 9 metrge deıin keńeıtilip, asfalt tóselýde. Týrızmdi damytýǵa qolaıly aýdannyń demalys oryndaryna kelýshiler endi esh kedergisiz serýendeıtin boldy», - delingen taratylǵan habarlamada.
Kósheni keńeıtýdi aýyl turǵyndary da qoldaıdy. Usynysqa qarsylyq bildirmesten, sharbaqtaryn óz erkimen buzyp, qorshalǵan jerdi el ıgiligine berýde. Kópultty ulystar mekendegen taýly aımaqtyń tatý jurty «bolashaǵymyz - birlikte» degendi aıtady.
Tólebıdi kórkeıtý jumystary munymen shektelmeıdi. Aýdan aýyldarynda qazir kóshelerge arnaıy jaryqshamdar ornatylýda. Jol boıyndaǵy qorshaýlarǵa da ár kirgen, olar kúrdeli jóndeýden ótip, syrlandy. Oıdym-oıdym joldar da jóndeldi. Osylaısha Tólebı aýdanynda halyqqa eń qajetti dúnıeler sheshimin taýyp, irgeli ister atqarylýda.
