OQO: Tóle bı aýdanynda eki balabaqsha el ıgiligine berildi
ASTANA. QazAqparat - Ońtústik Qazaqstan oblysy Tóle bı aýdanynda eki birdeı balabaqshanyń ashylý saltanaty ótip, qos eldi mekenniń turǵyndaryn úlken qýanyshqa bóledi. Bul týraly OQO ákimdiginiń baspasóz qyzmetinen habarlandy.
Aldymen Qaratóbe eldi mekeninde 100 balaǵa arnalǵan memlekettik «Aıym» balabaqshasy ashyldy. Demeýshiler esebinen salynǵan tıptik úlgidegi balabaqsha ǵımaraty zamanaýı qural-jabdyqtarmen qamtylǵan. Munda 20 adam jumyspen qamtylmaq. Al Birinshi Mamyr eldi mekeninde 75 balaǵa arnalǵan jekemenshik «Hanshaıym» balabaqshasy paıdalanýǵa berildi. Bul ǵımarat ta bala tárbıesine qajetti qural-jabdyqtarmen tolyǵymen qamtylyp, jańadan ashylǵan mekemede 19 adam jumysqa ornalasty. «Jalpy, aýdanda «Balapan» baǵdarlamasy aıasynda júıeli jumystar atqarylyp keledi. Máselen, 2012 jyly 24 balabaqshada 2405 bala, 38 shaǵyn ortalyqta 2075 bala, barlyǵy 4880 bala tárbıelenýde. 2013 jyly jalpy 36 balabaqshada, onyń ishinde jańadan ashylǵan 3 memlekettik, 10 jekemenshik mektepke deıingi tárbıe uıymdarynda 3655 bala, 37 shaǵyn ortalyqta 2050 bala, barlyǵy 5705 bala qamtylyp, 65 paıyzdy qurady», - delingen baspasóz habarlamasynda.
