OQO sportshylary Gollandııada armrestlıngten chempıon atandy
ShYMKENT. QazAqparat - Ońtústik Qazaqstan oblysynyń sportshylary Gollandııada armrestlıng sportynan ótken jarysta chempıon atandy. Halyqaralyq týrnırden úsh sportshy birinshi oryn aldy, dep habarlaıdy QazAqparat tilshisi.
Gollandııa memleketiniń Ýrk qalasynda armrestlıngten týrnır óz máresine jetti. Osynaý halyqaralyq saıysqa álemniń 15 memlekettiniń quramalary qatysty. Onda Qazaqstannan 5 sportshy baǵyn synady.
Eýropa tórinde ótken halyqaralyq dodada Qazaqstannyń namysyn qorǵaýǵa Shardaranyń Shynbolat Raıhanov, Qydyrǵalı Ońǵarbaev, Maǵjan Shámıev, Talǵat Aqtaev jáne Qarjaý Esbolat syndy jigitteri bardy. Jarys qorytyndysy boıynsha 75 keli salmaqta Talǵat Aqtaev, 88 keli salmaqta Maǵjan Shamıev, 102 keli salmaqta Shynbolat Raıhanov birinshi oryn alyp chempıon atandy.
Al, Qarjaý Esbolat 88 keli salmaqta ekinshi oryn ıelendi. Týrnır sońynda absolıýtti salmaq dárejesinde «Týıe palýan» ataǵy úshin eń myqty kásipqoı sportshylar kúsh synasty. Olardyń arasynda Qydyrǵalı Ońǵarbaev óz sheberligin tanytyp, «Týıe palýan» atandy. OQO boıynsha armrestlıngten aǵa jattyqtyrýshy Seıfýlla Nurhalyqov bastap barǵan Shardaranyń sportshylary osylaısha Eýropa tórinde atoı salyp, el namysyn abyroımen qorǵaı bildi.
