OQO: Sozaq aýdanynda «Adal urpaq» erikti mektep klýby ashyldy
ASTANA. QazAqparat - Jeń ushynan jalǵasqan jemqorlyqpen kúres Ońtústik Qazaqstan oblysynyń Sozaq aýdanynda jandana tústi, dep habarlaıdy aýdan ákimdiginiń baspasóz qyzmeti.
Teriskeı topyraǵynda «Adal urpaq» erikti mektep klýby ashylǵan. Ondaǵy maqsat - ósip kele jatqan órenderdiń boıyna damgershilik qundylyqtardy qalyptastyrý. Osynyń sheńberinde arnaıy shara uıymdastyrylyp, klýb quramyna jas shákirtter qabyldandy. «100 naqty qadam - Ult jospary». Baǵdarlamanyń ıgiligi kóp.
Memleket irgesiniń berik, bolashaqtyń bekem bolmaǵy da meılinshe tarazylanǵan. Mańyzdy qujattyń 13-shi qadamy jemqorlyqpen kúresti kúsheıtýdi kózdeıdi. Bul baǵyt óskeleń urpaqtyń boıyna izgi qasıetterdi qalyptastyrmaq. «Adal urpaq» klýbyn uıymdastyrýshylar osylaı deıdi. Bastama Qazaqstan Respýblıkasy Táýelsizdiginiń 25 jyldyǵyna oraılastyrylǵan. «25 juldyzdy kún» aktsııasyna saı mektep oqýshylary ant qabyldap, arnaıy tósbelgini keýdelerine taqty. Munda úkili úmit pen úlken senim astasyp jatyr.
«Adal urpaq» eriktileri klýby ár mektepte óz isin bastap ketti. Múshelikke 1-11 synyp oqýshylary alyndy. Shara barysynda klýb jumysynyń maqsat-mindetteri túsindirilip, júıeli jospar jasaldy. Bul árıne, búgingi býynnyń keleshegi kemel bolýyna jasalǵan naqty qadamnyń-sátti bastamasy.
