OQO: Shymkenttegi «Front office» mamandary myńynshy turǵynǵa qyzmet kórsetti

ShYMKENT. QazAqparat - Osydan eki apta buryn Shymkent qalasy ákimdiginiń janynda ashylǵan memlekettik qyzmet kórsetý ortalyǵynyń mamandary myńynshy qala turǵynyna qyzmet kórsetti, dep habarlaıdy qala ákimdiginiń baspasóz qyzmeti.

 Búgin «Front office»-ke kelgen qala turǵyny Tamara Ratýshına jer aktisinde jazylǵan óziniń tegin aýystyrýǵa qajetti qujattaryn rásimdeýden soń, «Front office» ujymy atynan arnaıy syılyqqa ıe boldy. "Qarapaıym qala turǵyny retinde qajetti qujattardy resimdeýge 5 mınýt ǵana jumsadym. Óte yńǵaıly, qońyraý shalý, qajetti qujat jınaýdyń barlyǵy ınternet resýrstary arqyly júzege asýda. Qala turǵyndaryn osy qyzmet túrin paıdalanýǵa shaqyramyn", - dedi Tamara Ratýshına. Qazirgi tańda atalǵan ortalyqta jer qatynastar, sáýlet, kásipkerlik, turǵyn-úı sharýashylyǵy, ákimdiktiń barlyq bólimderinen uzyn sany 25 maman qyzmet etýde. 400-den astam qyzmet túri kórsetiledi. Aıta ketý kerek, «front-ofıs» júıesiniń artyqshylyǵy sol, eń aldymen, ótinish ıesiniń qujattaryn qabyldaý kezinde oǵan arnaıy baqylaý kody beriledi. Tirkeýge alynǵan qujat shtrıh kod arqyly ákimdiktiń tıisti bólimine jóneltiledi. Ótinish qysqa merzimde qaralǵan soń jaýaby "Front-ofıske" baǵyttalyp, turǵyndarǵa beriledi nemese ótinish ıesiniń elektrondy meken-jaıyna jiberiledi. Sondaı-aq ótinish ıeleri baqylaý kody arqyly ótinishtiń qaralý barysy jóninde málimet alýǵa múmkindigi bar.

Ol úshin "shymkent.gov.kz/frontoffice" saıtyna kirý arqyly nemese baılanys ortalyǵynyń 545-545 telefonyna qońyraý shalý arqyly aqparat alýǵa bolady. Bul bir sózben aıtqanda, yńǵaıly, jyldam ári zaman talabyna saı qyzmet túri bolyp sanalady.