OQO: Shymkentte jas sýretshiler arasynda «Babalar ańsaǵan Táýelsizdik» atty baıqaý aıaqtaldy
ShYMKENT. QazAqparat - Shymkentte Qazaqstan Respýblıkasy Táýelsizdiginiń 25 jyldyǵyna oraı ónerli oqýshylar arasynda «Babalar ańsaǵan Táýelsizdik» atty sýret salýdan aýqymdy baıqaý ótti, dep habarlaıdy qala ákimdiginiń baspasóz qyzmeti.
Osy taqyrypta sýret salǵan jas qylqalam sheberleri Shymkenttegi Kórkemsýret galereıasynda aıryqsha qurmetke bólendi. Bul saltanat - Balalar kórkemsýret mektebi uıytqy bolǵan baıqaýdyń qorytyndy kezeńi. 1 aıǵa sozylǵan óner synynda 107 oqýshy baq synap,/200-ge tarta týyndysyn usynǵan. Olar týǵan eli men atamekenniń beıbit tirshiligin keremet sýretteı bildi,-deıdi mamandar.
Saıys eki baǵytta órbigen. Onyń birinde 12 men 15 jas aralyǵyndaǵy jasóspirimder baq synasa, ekinshisine 17 jastan asqandar qatysqan. Bul kúni osy týyndylardyń úzdik 30-y Kórkemsýret galereıasyndaǵy kórmege qoıyldy. Jas sýretshilerge aǵa býyn ókilderi arnaıy dáris ótkizip, qylqalamnyń syryn túsindirdi. Torqaly toı qarsańyndǵy eldiń qýanyshy men beıbit tirshilikti beıneleı bilgenderge demeýshiler tarapynan arnaıy syılyqtar tabys etilip, shyǵarmashylyqtarynyń shyńdala túsýine senim bildirildi.
Aıta ketý kerek, osyndaı baıqaýlar arqyly jasóspirimderdiń sheberligi shyńdalady, básekege qabiletti bola túsedi jáne otansúıgishtikke tárbıelenedi.
